Қызылорданың үздік тауар өндірушілері анықталды
Тауар өндірушілер көрмесімен облыс әкімі Қырымбек Көшербаев танысты.
«Қазіргі таңда өңіріміздің әлеуметтік-экономикалық жағдайына үлесін қосып отырған 5 мыңға жуық шағын және орта бизнес кәсіпорындары мен 35 мыңнан астам жеке кәсіпкерлер мен шаруа қожалықтары жұмыс істейді. Аталған секторда 100 мыңға жуық адам жұмыспен қамтылған - бұл облыстағы экономикалық белсенді халықтың үштен бір бөлігі»,- деп атап өтті аймақ басшысы.
Биылғы жылы байқауға 22 тауар өндіруші қатысты. «Өндірістік мақсаттағы үздік тауар» аталымы бойынша 1-орынды «ЭлектроТехнология» ЖШС иеленсе, 2-орын «Полимер Продукт» ЖШС-не бұйырды. Ал, үшінші орынды «МИР 2001» ЖШС жеңіп алды.
«Халыққа арналған үздік тауар» аталымы бойынша 1-орынды «ДАЛАТЕКС» ЖШС, 2-орынды «Қызылорда зағиптар қоғамы» оқу-өндірістік коперативі» ЖШС, 3-орынды «ПромКоммерцКА» ЖШС иемденді.
Сонымен қатар, «Үздік азық-түлік тауар» номинациясы бойынша 1-орын «Арал тұз» АҚ-ға, 2-орын «Арал» сервистік дайындау орталығы» ЖШС-ға, 3-орын «Ермаханов» ЖК-ге бұйырды.
Байқау жеңімпаздары «ЭКСПО-2017» халықаралық көрмесі аясында Астана қаласында өтетін республикалық көрме-байқауға жолдама алды.