22:52, 24 Сәуір 2017 | GMT +6

Қызылордада «Борышкер» жедел іс-шарасының екі күнінде 4 млн. теңге айыппұл өндірілді

ҚЫЗЫЛОРДА. ҚазАқпарат - Салынған әкімшілік айыппұлдарды өндіру жұмыстарын жақсарту, айыппұл төлеуден жалтарып жүрген азаматтарға тиісті шара қолдана отырып мемлекет бюджетіне қаржы өндіруді жоғарылату мақсатында 2017 жылдың 29 наурызынан бастап облыс көлемінде «Борышкер» жедел-профилактикалық іс-шарасы өтіп жатыр және ол сәуірдің 30-на дейі жалғасады. Бұл туралы ҚазАқпарат ХАА тілшісі облыстық ІІД сілтеме жасап хабарлады.

Аталған іс-шараға әкімшілік полиция басқармасының қызметкерлерімен қатар, Жергілікті полиция және өңірлік жеке сот орындаушылары жұмылдырылды.

Аталған іс-шарада қала бойынша 5 ұтқыр топ құрылып, барлығы 10 полиция қызметкері мен өңірлік сот орындаушыларынан кезекшілік кестесі құрылды. Бірлескен іс-шаралар аясында айыппұл төлеуден жалтарып жүрген борышкерлердің автокөліктерін автотұраққа қамау және мемлекеттік белгілерін алу жүзеге жұмыстары асырылуда.

Қазіргі таңда, аталған іс-шара басталғалы бері сот орындаушылардың қаулысы негізінде барлығы 11 млн. теңгені құрайтын 258 мемлекеттік белгі алынып, 198 автокөлік айып алаңына жеткізілді, 4 млн. теңге айыппұл өндірілді.

Қала орталығындағы 14 учаскелік аумақтағы учаскелік полиция инспекторлары борышкерлердің мекен-жайларын аралап, салынған әкімшілік айыппұлдарды дер кезінде өтеу қажеттігі жөнінде тұрғындарға түсініктеме жұмыстарын жүргізді. Сонымен қатар, айыппұлдарды өндіру жөнінде смс-хабарламалар таратылуда.

Тегтер:

Қызылорда Заң Қызылорда облысы Заң және құқық

Соңғы жаңалықтар

Одан да көп жаңалықтар біздің Телеграм-арнамызда!