21:26, 25 Сәуір 2017 | GMT +6
Құтқарушылар Атбасарда 40 адамды судың екінші бетіне өткізді
АСТАНА. ҚазАқпарат - Құтқарушылар Атбасарда су тасқынының салдарымен күресті жалғастыруда, деп хабарлайды ҚазАқпарат.
Ақмола облыстық Төтенше жағдайлар департаментінен хабарланғанындай, жедел-құтқару жасағының мамандары: бөлім жетекшісі А.Смайылов, бас құтқарушылар Б.Жолдасбаев пен А.Сәдуақасов, М.Жолдығұловтар су тасқыны басталғалы бері 40 адамды, оның ішінде 8 баланы Атсабар-Ащыкөл автожолының 15 км-дегі судан өткізу жұмыстарымен айналысқан.
24 сәуір күні Өрт сөндіру және апаттан-құтқару қызметінің күштерінің және құралдарының көмегімен суды сорғыту жұмыстары жүргізілді. Барлығы 1471 текше метр ағын су сорғытылды. Бұл бағытағы жұмыстар жалғасуда.
