ҚР Премьер-Министрінің бірінші орынбасары Түрікменстанға барды
Түрікменстан Президенті Гурбангулы Бердымұхамедовпен кездесу барысында алдағы уақыттағы екіжақты ынтымақтастықты дамыту мәселелелері талқыланды.
«Біз екі ел арасындағы терең сауда-экономикалық байланысқа айрықша маңыз береміз. Елбасының Түрікменстанға жасаған 2017 жылғы сапарында екі жақты сауда келісімдеріне қол жеткізілді»,-деді А.Мамин.
Екіжақты ынтымақтастықтың басым бағыттары ретінде көлік-транзиті, энергетика, ауыл шаруашылығы, машина жасау, темір жол өнімдерін жеткізу мәселелері қаралды. Кездесуде әскери-техника және аэроғарыш саласы да назарға алынды.
Түрікменстан Президенті өз кезегінде аймақтық инфрақұрылымдық жобаларды дамытудың маңыздылығын атап өтті.
«Түрікменстан мен Қазақстан бір-біріне тату көрші және сенімді серіктес. Біз аймақтық инфрақұрылымдық жобаларды дамытуға күш салуымыз керек»,-деді Г. Бердімұхамедов.
Кездесу барысында тараптар Халықаралық Аралды құтқару қорының қызметін талқылады.
Түрікменстан сапарында ҚР Премьер-Министрінің бірінші орынбасары «Түрікменстан- Ауғанстан - Пәкістан - Үндістан» газ құбыры құрылысы кезеңінің ресми салтанатты ашылуына қатысты.