ҚР АШМ білім гранттарын пайызсыз несиелерге ауыстыруды ұсынды

Оның сөзіне қарағанда, кадрларды даярлау мәселесін шешу үшін бұл шараларға кәсіпорындардың өздерін тарту керек, бұл ретте олар жоғары оқу орындары алдында тапсырыс беруші ретінде әрекет етуі тиіс. Осы орайда білім гранттарын ұсынудан пайызсыз несиелерді бөлуге ауысу мүмкіндігін қарастырған жөн, яғни бұл пайызсыз несиелер өндірісте еңбекпен өтеу кезінде субсидияланатын болады.

«Бұндай тәртіп бүгінде бірқатар елдерде енгізілген. Атап айтқанда, бұл қадам алған білімің бойынша жұмыс істеген жағдайда тура гранттағы секілді болады»,-деді вице-министр.

Оның атап өтуінше, қазіргі кезде аграрлық жоғары оқу орындарының ветеринарлық, агрономдық және инженерлік факультеттерін тәмамдаған көптеген түлектері дипломын алғаннан кейін, «заңгер», немесе «экономист» мамандықтары бойынша басқа ЖОО-ларға түседі.

«Өздеріңіз білесіздер, жас мамандардың көбісі екінші диплом үшін басқа оқу орындарына түсіп жатады»,-деді Т. Рақымбеков.