22:33, 04 Желтоқсан 2016 | GMT +6
Конфедерация кубогы: Грек-рим және еркін күрестен жеңімпаздар белгілі болды
АСТАНА. ҚазАқпарат - Алматыда Конфедерация кубогының ақтық кезеңі аяқталды, деп хабарлайды ҚазАқпарат.
Грек-рим күресінде шешуші айқаста Алматы мен Жамбыл облыстарының спортшылары кездесті. Нәтижесінде, 2011 жылғы әлем чемпионатының қола жүлдегері Нұрмахан Тінәлиев бастаған Алматы облысының палуандары 5:1 есебімен жеңіске жетті.
Ал еркін күрес бойынша ақтық сайыста Алматы мен Шығыс Қазақстан облыстарының спортшылары күш сынасты. Жеңіс 5:1 есебімен басым түскен Алматы облысының еншісінде.
Турнир тұңғыш рет бокс, еркін күрес, грек-рим күресі, дзюдо және таеквондодан бірлескен командалық жарыс ретінде өткізілді. Оның жалпы жүлде қоры 125 млн теңгеден астамды құрады.
Фото: sports.kz