Кеңес Рақышев Қазкоммерцбанктегі өз үлесін ұлғайтты

ҚКБ баспасөз қызметі хабарлағандай, 2017 жылғы 15 маусымда  Қазақстан үкіметі (ҚР Қаржы министрлігі тұлғасында), ҚР Ұлттық Банк, «Самұрық-Қазына» ҰӘҚ» АҚ, «Проблемалық кредиттер қоры» АҚ, «БТА Банк» АҚ, ҚКБ, К. Рақышев және «Қазақстан Халық Банкі» («халық банкі») арасында жасасқан шекті келісімшарттарға сәйкес, сондай-ақ Ұлттық Банк пен К. Рақышев арасындағы 2017 жылғы 15 маусымдағы ҚКБ 86,09%  жай акциясын сатып алу туралы жасасқан сатып алу-сату шарты аясында К. Рақышев мыналарды:

«Орталық-Азиялық инвестициялық компания» АҚ-дан - ҚКБ-ның 70 074 945 жай акцияларын;

Азамат Н. Сүбханбердиннен - ҚКБ-ның 47 800 962 жай акцияларын;

«Qazaq Financial Group» АҚ-дан  - акциялар және жаһандық депозитарлық қолхат нысанында ҚКБ-ның 223 922 790 жай акцияларын сатып алды.

Осы мәмілелердің нәтижесінде  К. Рақышевтің    ҚКБ-дағы тікелей үлесі      43,23%-дан 86,09%-ға дейін артты. «Qazaq Financial Group» АҚ, Н.Сүбханбердин және «Орталық-Азиялық инвестициялық компания» АҚ  Банк акционерлері құрамынан толықтай шықты.