«Қазгеология» әуеден кен іздеуге жаңа технологияны пайдаланды
Атап айтқанда, биыл 31 тамыздан 13 қазанға дейін индустриалды алтын-күміс кен орындарын, мыс-алтын скарнды, алтын-сульфидті кендерді тауып, перспективалы учаскелерді анықтау мақсатында аэрогейофизикалық жұмыстар жүргізілді.
Кешенді аэрогеофизикалық түсірілім құрамында магнитологиялық және электрлі барлау бар. Поляризациялану туралы айқын деректер алу үшін VTEM модификациясында өтпелі процесті қолданылады.
Бірегей VTEM немесе VersatileTime Domain Electro Magnetic жүйесі 10 жылдан астам пайдаланылатын ең инновациялық, мінсіз және табысты аэроұтқырлық жүйе болып табылады.
Қазіргі заманғы цифрлық электроника мен сигналдарды өңдеу әдістерін пайдаланатын қабылдағыштың патенттелген дизайнында шу деңгейі өте төмен болады. Зерттеу тереңдігі мен электромагниттік өлшемдердің дәлдігі тұрғысынан аппаратураның баламасы жоқ.
Зерттеу тереңдігі 800 метрге дейін жетеді. Әлемнің бірнеше өңірлеріндегі сынақ алаңдарында VTEM-мен жасалған аэрофото түсірілімдер бәсекелес аэрогеофизикалық электромагниттік жүйелермен салыстырғанда тамаша нәтижелер көрсетті.
Түсірілімді «Қазгеология» АҚ мен канадалық GeotechLtd компаниясы арасында бірлескен кәсіпорын болып табылатын «Қазгеотех» ЖШС жасады. Жұмыс көлемі шамамен 6,5 мың км аумақты қамтыды. Жұмыстың нәтижелері бойынша геологиялық барлау жұмыстарын одан әрі тереңдету жөнінде ұсыныстар жасалады.
Айта кету керек, бұл - «Полиметалл» АҚ-ның Қазақстандағы алғашқы іздестіру жобасы.