01:43, 26 Ақпан 2017 | GMT +6
Қазақстандық жасөспірімдер ММА бойынша әлем чемпионатында табысты өнер көрсетті
ОРАЛ. ҚазАқпарат - Ресейдің Ярославль қаласында 16-17 жастағылар арасында ММА бойынша мәреге жеткен әлем чемпионатында қазақстандық спортшылар табысты өнер көрсетті, деп хабарлайды «ҚазАқпарат» ХАА тілшісі.
Championat.com сайтынан алынған мәліметке қарағанда, Ерұлан Қабдолов 48 кг салмақта қарсылас шақ келтірмей, алтыннан алқа тақты. Сонымен қатар Берікхан Мәдениетов (48 кг), Әлберген Аманқос (61,2 кг), Самат Мұқашев (84,0 кг) және Еркінбек Қосаев (93,0 кг) өз салмақ дәрежелерінде қола жүлдегер атанды.
Қазақстан құрамасын Алмат Есентаев бастаған Армат Сәрсекенов, Евгений Макшанцев, Сағындық Мекеев және басқа бапкерлер жаттықтырады.
А.Сәрсекенов «ҚазАқпарат» тілшісіне марапаттау рәсіміне атақты жекпе-жек шебері, Ресей ММА одағының президенті Федор Емельяненконың қатысқанын жеткізді. Ол оралдық Самат Мұқашевпен суретке де түсті.