10:44, 19 Наурыз 2018 | GMT +6
Қазақстанда өнертану ғылымы жоқ - Композиторлар одағының төрайымы
АСТАНА. ҚазАқпарат - Қазақстанда өнертану ғылымы жоқ. Петропавлда өткен әнші, сазгер, ақын, Сегіз сері атанған Мұхамедқанапия Шақшақовтың 200 жылдығына арналған республикалық ғылыми конференцияда Қазақстан композиторлар одағының төрайымы Балнұр Қыдырбек осылай деді, деп хабарлайды ҚазАқпарат «Хабар 24» телеарнасына сілтеме жасап.
«Рухани жаңғыру» бағдарламасы аясында бұл шараға еліміздің түкпір-түкпірінен зиялы қауым өкілдері қатысып, тұлғаның сан қырлы шығармашылық мұрасы мен өмір жолы туралы зерттеулерін ортаға салды. Айта кету қажет, бүгінгі күні Сегіз серінің көптеген әндерінің тек 16-сы ғана оның туындысы ретінде дәлелденген.
«Бізде музыка, өнертану ғылымы кенжелеп қалды деуге де келмейді. Бізде қазір өнертану ғылымы жоқ. Әдебиеттану болған соң, әдебиет тарапынан Сегіз серінің шығармалары қаралып жатыр, зерттеліп жатыр. Ал музыкаға байланысты айтарым, бізде Сегіз серінің шығармашылығын зерттеп жатқан адам жоқ», - деді Қазақстан Композиторлар одағының төрайымы Балнұр Қыдырбек.
Басты фото: sxodim.com