16:21, 16 Қазан 2017 | GMT +6
Қарағандылық жастар латын графикасын қолдап флешмоб өткізді
ҚАРАҒАНДЫ. ҚазАқпарат - Қарағанды жастары қазақ тілінің латын әліпбиіне өтуін қолдауға арналған флешмоб жасады, деп хабарлайды «ҚазАқпарат» ХАА тілшісі.
Қарағанды политехникалық колледжінің студенттері «Латын әліпбиіне өту - жалпы міндетіміз!» атты іс-шара өткізді.
«Латын графигіндегі мемлекеттік тіл алфавитінің бірыңғай стандартын енгізу Қазақстанның әрбір азаматына қатысты, бұл экономикалық, әлеуметтік жаңару және рухани жаңғыру үшін XXI ғасырдағы ел дамуының жаңа кезеңін ашады», - деп өз пікірлерімен бөлісті колледж студенттері.
Іс-шара аясында колледж студенттері «Мәңгілік ел» жасау бағытында жұмыстар жасамақ. Флешмобты «Мейірімділік әлемі» қоғамдық бірлестігінің қолдауымен Қарағанды әкімдігі мен ішкі саясат бөлімі ұйымдастырды.