Қарағанды оқушылары балаларға арналған қол протезін жасап шығарды

Идея авторы физика пәнінің мұғалімі Алтынбек Қайырбатыров. Ол Қарағандыдағы лицейде жақында жұмысқа орналасқан, бұрын Павлодарда физика пәнінен сабақ берген.

«Протез туралы идея маған Қарағандыға ауыспай тұрып келді, - деп еске алды ол.

«Лицейдің Павлодардағы бөлімшесінде 3D-принтер болды, алғашқы протезді сол жерде жасадық. Саусақсыз туылған Сашаға сыйладық. Қазір ол велосипед мініп жүр, баланың өмірі жеңілдеді. Мені Қарағандыға ауыстырғанда бұл істі осында жалғастыруды шештім. 3D-принтер сатып алып, оқушылармен бірге протездер жасап жатырмыз. Протезді жасап шығару оңай - оқушылар бірінші үш өлшемді модельдің барлық тетігін салып алып, оны басып шығарады және жинайды. Біз протездерді енді жасап шығарып жатқанымызда, ол тек АҚШ-та өндірілетін. Олар бес мың доллар тұратын. Біздің протездер небәрі 600 теңгені құрайды. Тек материалға қаржы жұмсадық», - дейді мұғалім.



Қазір мұғалім ҚТЛ дирекциясына лицейдің әр қаладағы бөлімшесінде осындай протездерді жасау туралы хат жазуды жоспарлап отыр. Дайын протездерді балаларға сыйлауды ұсынуда.