Қанат Ислам бастаған алты боксшы жанкүйерлеріне арнап ашық жаттығу өткізді
Ашық жаттығу кешіне Қанат Исламнан өзге Жанқош Тұраров, Жәнібек Әлімханұлы, Руслан Мырсатаев, Айдос Ербосынұлы, Нұрсұлтан Жаңабаевтар Астана тұрғындары мен қонақтарына 9 кыркүйек күні өтетін бокс кешіне қалай дайындалып жатқандықтарын көрсетті.
Ашық жаттығуға аталған боксшылардың спарринг әріптестері Марио Мина, Юнески Гонсалез және Луис Кастилло қатысты.
Әр боксшы жеке-жеке өз өнерлерін көрсетіп, спарринг қарсыластарымен жекпе-жекке шықты. Шара аясында боксшылар жанкүйерлеріне арнап әкелген сыйлықтарын беріп, бірге суретке түсті. Сондай-ақ, жанкүйерлеріне қолтаңба беріп, бірге суретке түсті.
Еске салайық, 9 қыркүйек күні Астанадағы «Сарыарқа» велотрегінде жоғарыда аты аталған және өзге де боксшыларымыз «ЭКСПО-2017» көрмесі аясында өтетін бокс кешінде өнер көрсетеді. Басты жекпе-жек Қанат Ислам мен (24-0,19 КО) канадалық Брэндон Куктің (18-0, 11КО) арасында өтеді.
Боксшылар бірінші орта салмақтағы IBF титулына үміткерлікке таласады. Сондай-ақ осы жекпе-жектің андеркартында қазақстандық 8 боксшы шаршы алаңға шығады.
Олар: Жанқош Тұраров (21-0, 15КО), Жәнібек Әлімханұлы (1-0, 1КО), Мейірім Нұрсұлтанов (3-0,2КО), Руслан Мырсатаев (3-0, 3КО), Әли Ахмедов (7-0,5КО), Айдос Ербосынұлы (6-0, 6КО), Димаш Ниязов (11-0-3, 5КО) және Нұрсұлтан Жаңабаев.