Еуроодақ Сирия бойынша Астана процесінің қосқан үлесін мойындады
«Еуроодақ шиеленістің әскери шешімінің болмайтындығына және Сирияның бірлігі, егемендігі, аумақтық тұтастығы мен тәуілсіздігінің сақталатынына сенімді», - делінген ЕО Кеңесінің құжатында.
«2012 жылы Женева коммюникесі мен БҰҰ ҚК №2254 резолюциясында көрсетілгендей, тек сенімді саяси шешімдер Сириядағы тұрақтылықты қамтамасыз етіп, ДАИШ пен басқа да террористік топтарға шешуші жеңіліс беретіні аталып өтті.
Сонымен қатар, Еуроодақ БҰҰ-ның Сирия жөніндегі арнайы елшісі Стеффан де Мистураның жұмысына және Женевадағы келіссөздердің қалпына келтірілуіне қолдау білдірді.
«Женевадағы прогресс зорлық-зомбылықты азайту және аталмыш жерлердегі сенімді нығайту бойынша салынған күш-жігерге байланысты болады. Осыған орай, ЕО Кеңесі Астанада өткен кездесулердің бітімгершілікті қалпына келтіріп, соғыс қимылдарын тоқтату режимін сақтау және оны бақылауда ұстау бойынша үшжақты тетікті құруға қосқан үлесін мойындайды», - деп аталды Кеңестің қорытындысында.
Сонымен қатар, ЕО СІМ басшысы «жалғасып жатқан зорлық-зомбылыққа үлкен алаңдаушылық» білдірді.
«ЕО Кеңесі барлық тараптардың соғыс қимылдарын тоқтату режимін сақтап, кепілгер ретінде Ресей, Түркия және Ираннан өз міндеттерін толық орындауды сұрайды», - делінген ЕО кеңесінің үкімінде.