Елордада бірқатар қоғамдық көліктің қозғалыс бағыты өзгерді

«Қырқыншы» теміржол стансасы аумағында орналасқан Астана қаласы Туберкулезге қарсы диспансердің жаңа ғимаратының пайдалануға берілуіне байланысты №22 автобус бағдарының аталған денсаулық сақтау нысанына дейінгі жекелеген қозғалыс кестесіне өзгертулер енгізіледі деп хабарлайды елорда әкімдігінің медиа орталығы қалалық жолаушылар көлігі басқармасына сілтеме жасап.

Өзгертілген қозғалыс сызбасының бағыты № 22а деп белгіленеді.

№ 22а бағдарының қозғалыс сызбасы: «Теміржол вокзалы» бастапқа аялдамасынын «КазГерСтрой» ЖШС» аялдамасына дейін өзгеріссіз, бұдан әрі - Ж. Жабаев көшесі - Екібастұз көшесі - Еркіншілік ауылы бағытында тас жол - Туберкулезге қарсы диспансерге кірме жол - соңғы аялдама «Астана қаласы Туберкулезге қарсы диспансер». Кері бағытты ұқсас қозғалыс сызбасы бойынша. («Железнодорожный т/а соңғы аялдамасына кірмейді»).

Сондай-ақ, басқармада мәлімдегендей, «Көктал-2 т/а» аумағында орналасқан мамандандырылған халыққа қызмет көрсету орталығына (АХҚКО) дейін қосымша көліктік қызмет көрсетуді қамтамасыз ету мақсатында №4 қалалық бағдардың жекелеген қозғалыс кестелері ұзартылады.