21:50, 10 Қыркүйек 2017 | GMT +6
ЭКСПО арқылы әлем Қазақстанның бай мәдениетімен жақынырақ танысты - Президент
АСТАНА. ҚазАқпарат - «ЭКСПО-2017» халықаралық көрмесін шамамен 4 миллионға жуық адам келіп тамашалаған. Бұл туралы көрменің жабылу салтанатында ҚР Президенті Нұрсұлтан Назарбаев мәлім етті, деп хабарлайды «ҚазАқпарат» ХАА тілшісі.
«ЭКСПО-2017» халықаралық көрмесін 4 миллионға жуық адам келіп тамашалаған. Олардың үштен екісі жастар мен оқушылар. ЭКСПО-қалашықты күніне 40-50 мың адам келіп көрді. Әлем Қазақстанның бай мәдениетімен жақынырақ танысты», - деді Елбасы.
Мемлекет басшысы сонымен қатар, «Нұр Әлем» павильонын 1 млн 300 мың адам тамашалағанын, сондай-ақ жалпы көрмеге әлемнің 180 елінен мейман келіп көргенін тілге тиек етті.
«Көрмеге келген меймандардың әрбір алтыншысы шетелдік екенін атап өткім келеді», - деді Нұрсұлтан Назарбаев.