Данияр Елеусінов жеке заттарын Ұлттық музей қорына тапсырды

Аталған акцияға Ақ Жайық өңірінен шыққан Дина Нұрпейісова, Мәншүк Мәметова, Сатан Арыстанов, Ахмет Дауылбаев, Хамза Есенжанов, Жұбан Молдағалиев, Қайрат Жұмағалиев, Шамғон мен Тілес Қажығалиевтер, Мәжит Жаданов, Тұяқберді Шәмелов сынды ұлтымыздың біртуар перзенттерінің ұрпақтары мен туған-туыстары қатысып, отбасылық мұрағатта сақталған жәдігерлерін музейге сыйға тартты.

Сонымен қатар акцияға Ақ Жайықтың ақ шағаласы атанған ақын Ақұштап Бақтыгереева, композитор Ескендір Хасанғалиев, еңбек ардагері Ғазиз Хаймулдин, ақындар Шолпан Қыдырниязова мен Дариға Мұштанова, күйші Ермек Қазиев, режиссер Сердок Қажымұратов, дәстүрлі әншілер Сағдат Рахметжанов пен Сәуле Таудаева да қатысты.

Рио Олимпиадасында еліміздің намысын қорғаған спортшыларымыз Данияр Елеусинов пен Екатерина Ларионова да акцияға атсалысты. Бұдан бөлек Оралдық қылқалам шеберлері - Қайыр Оразғалиев, Василий Антонович Сумароков, Қуандық Мәдіров, Ерғали Бекешов, Бақытқали Оразов, Асхат Әбдешев, Хайдар Шаблиев, Қадыржан Нығметовтер де өз туындыларын музей қорына тапсырды.

Оралда өткен акцияға 28 азамат қатысып, музей қоры 270 жәдігермен толықты.

Алдағы уақытта акция барысында жиналған жәдігерлерден музейде арнайы көрме ұйымдастырылады және сый тартушылардың есімдері ҚР Ұлттық музейінің «Алғыс тақтасына» жазылатын болады.