Бюджеттен бөлінген 150 млн теңгеге қандай шығармалар басылады
«Мемлекет авторларға әрбір баспа табақ үшін 150 мың теңге қаламақы төлейді. Мәселен, 20 баспа табақ болатын орташа кітапқа шамамен 3 млн теңге беріледі. Авторлардың басым бөлігі - жас жазушылар. Мэтр ағаларымыздан екі-үшеуі ғана бар. Себебі ол кісілер кезінде өз шығармаларын жариялаған. Біз болсақ, осы уақытқа дейін жарық көрмеген шығармаларға басымдық беріп отырмыз», - дейді әкімшілік департаментінің директоры Еренай Дәржібаев.
Оның айтуынша, қоғамдық маңызы бар шығармалар 9 бағыт бойынша іріктеледі. Соның ішінде энциклопедиялық және анықтамалық, балалар және жасөспірімдер, мәдениет және өнер, көркем-танымдық, қоғамдық, ғылыми-көпшілік және аударма әдебиеттер бар. Биылғы конкурстан өткен барлық шығармаларға бюджеттен 150 млн теңге бөлініп отыр. Әрбір кітап 5 000 данамен басылып, республика бойынша барлық кітапханаларға таратылады.
Сонымен, биылғы конкурс бойынша баспаға берілетін шығармаларға Жұлдыз Тойбектің «Кеудеме көкала үйрек келіп қонса» кітабы, Жолтай Алмашев - «Бесік ұшқан күн», Рапилбек Ниязбек - «Арғымақтар даласы», Айтуар Өтегенов - «Шерқала», Нұрлан Оразалин - «Көкжал дәуірі» - «Время волчица», Талас Омарбеков - «Қазақтың шығу тегі», Тынымбай Нұрмағамбетов - «Рухтан жерден кетеді», Ахмет Әшіров - «Баурчук Арт Текин», Ғалымжан Мельдешов - «Журналист жолға шығады», Жанат Айтмұхамбет - «Қыш тақтайдағы сына жазу», Бибігүл Иманғазина - «Тауқымет», Қуаныш Жиенбай - «Күздің жылы жаңбыры», Қуандық Түменбай - «Жасыл жанып тұрғанда», Құлбек Ергөбек - «Баянсыз», Айбат Кептербаев - «Көктемнің мөлдір тамшысы», Жанболат Аупбай - «Табиғат терезесі», Қарашаш Тоқсанбай - «Сыр-сымбат», Тельман Нурахунов - «Қанлиқ өстәң», Бамыш Бахытбек - «Сөз мәйегі», Толымбек Ыбырайым - «Тағдыр сыйы», Елен Әлімжан - «Анажар», Төрегелді Тұяқбай - «Төрт тоғыс», Ғалым Әріп - «Дыбыстар дірілі», Қапез Қожахметов - «Қаламгер әулеті», Нұржан Қуантаев - «Жүсіпбек Аймауытұлының көсемсөзі», Арасанбай Естенов - «Көне кенттер күмбірі», Бейбіт Қойшыбаев - «Тарих және тұлға», Заря Жұманова - «Ақбота», Тұрсын Жұртбай - «Жолы болған жолаушы», Дәнеш Ахмет - «Бүлдірген қалың шыққан», Нұрлытай Үркімбаева - «Мен сырласамын», Болат Үсенбаев - «Күрең күз», Зияз Төлеуова - «Құлаған үйдің құпиясы», Елдос Тоқтарбай - «Жарық сәуле», Нұрғали Оразов - «Аппақ бұлт», Ақылбек Шаяхмет - «Сенім», Серікбай Байхонов - «Алтай асу», Жанат Ахмадиев - «Қазымбет қазы», Төрехан Майбас - «Мыңқыш», Жүсіпбек Қорғасбек - «Мехнат Һәм хикмет», Тұрлыбек Мамесейіт - «Месть беркута», Есмұхан Обаев - «Бәрі..бәрі...есімде», Серік Еркімбеков - «Оркестровка оперы М.Тулебаева «Қозы Көрпеш - Баян Сұлу», Абай Құлбаев - «Легенда степей», Аманкелді Мұқан - «Театрда туған толғамдар», Қуандық Шамахай - «Найзағайлы жылдар жаңғырығы», Амангелді Мырзабек - «Әлем әдебиетінің әңгімелері», Гүлфайраз Далбағай - «Сазсырнай аспабына арналған хрестоматия», Ляззат Спанқұлова - «Экономикалық этюдтер», Кәмел Жүністегі - «Великий сын степи Едиге», Болат Бодаубай - «Тайна старой тетради», Дандай Ысқақұлы - «Тіл эпопеясы немесе рухани жаңғырудағы қазақ тілінің тарихи миссиясы», Карл Байпақов, Дмитрий Воякин және Мейрам Сейтқалиев - «Жетытобе: Курганы сакской знати в долине Талас», Александр Гаркавец - «Великая Степь в античных и византийских источниках» және «Codex Cumanicus» енді.
Айта кетейік, келесі конкурс 2018 жылы ақпан айында басталады. Сол кезде республикалық ақпарат құралдары арқылы хабарландырулар беріледі.