БАҚ: Кубада апатқа ұшыраған ұшақ жолаушыларының барлығы қаза болды
CiberCuba интернет-порталының мәліметінше, бортта болған адамдардың барлығы қаза болды.
ТАСС агенттігі NTN24 телеарнасына сілтеме жасап хабарлауынша, Баракоа қаласынан ұшып шыққан Aerogaviota кубалық әуе компаниясының ұшағы аралдың батыс бөлігінде орналасқан Пинар-дель-Рио қаласы аумағында радардан жоғалып кетті.
Aerogaviota авиакомпаниясы ұшақтың апатқа ұшырағанын растады. Шетелдік БАҚ-тардың бірі әуе көлігінде 39 адам болғандығын және 8 адамның қаза болғанын хабарласа, CiberCuba порталы оқиға салдарынан тірі қалғандар жоқтығын жазуда.
Порталдың хабарлауынша, ішкі рейсті жүзеге асырмақ болған ұшақтың сынықтары Гаванадан батысқа қарай 80 шақырым жерде, Лас-Ломас-де-Сан-Кристобаль аталатын туристік аймақтан табылды. Ұшақ бортында кімдердің болғаны белгісіз.
Кубаның ресми билігі оқиғаға қатысты әзірге ешқандай ақпарат таратпады.