16:26, 14 Желтоқсан 2017 | GMT +6
Атыраудағы жол апаты: кішкентай қыз мерт болып, анасы ауруханаға жеткізілді
АТЫРАУ. ҚазАқпарат - Бүгін Атыраудың Привокзальный шағын ауданында төрт жасар қызымен бірге жолды кесіп өтпек болған әйелді көлік қағып кетті, деп хабарлайды, «ҚазАқпарат» ХАА тілшісі.
«Балабақшаға бара жатқан әйел мен оның қызын «Лада-Ларгус» автомобилі қағып кеткен. 2013 жылы туған қыз ауыр жарақаттардың салдарынан оқиға орнында қаза тапқан, ал оның анасы ауруханаға жеткізілді. Жүргізуші 1986 жылы туған, Индер ауданында тұрады», - деп мәлімдеді облыстық ІІД баспасөз хатшысы Назымгүл Қайсағалиева.
Осы факті бойынша тергеп-тексеру басталды.