15:25, 08 Тамыз 2017 | GMT +6
Атырауда газ бағасы қымбаттады
АТЫРАУ. ҚазАқпарат - Атырауда тұрғындар және жылумен жабдықтау кәсіпорындары үшін газ бағасы қымбаттады, деп хабарлайды «ҚазАқпарат» ХАА тілшісі.
«ҚР Табиғи монополияларды реттеу, бәсекелестікті және тұтынушылардың құқықтарын қорғау комитеті «ҚазТрансГазАймақ» АҚ-ның газ бағасын қымбаттату жөніндегі өтінішінің қорытындысын шығарды. 1 тамыздан бастап тұрғындар үшін газдың текше метрі 7,15 теңгеге, 11 пайызға артты», - деп хабарлады облыстың монополияға қарсы ведомствосы.
Газ жеткізуші мекемелердің заңды тұлғалар үшін газ бағасын өсіру жөніндегі өтініштері кері қайтарылды.