09:59, 23 Маусым 2017 | GMT +6
«Атамекен» халықаралық ән фестивалі мәреге жетті
ОРАЛ. ҚазАқпарат - Орал қаласында белгілі әнші-композитор, ҚР халық әртісі, Мемлекеттік сыйлықтың лауреаты, «Отан» орденінің иегері Ескендір Хасанғалиев әндерін орындаушылардың «Атамекен» ІХ халықаралық ән фестивалі мәреге жетті, деп хабарлайды «ҚазАқпарат» тілшісі.
Өнер додасының қорытындысында қазылар алқасының шешімімен оралдық Расим Жұмағалиев бас жүлдені жеңіп алды. Сондай-ақ шымкенттік Мағжан Әлтенбаев - бірінші, Сырым ауданынан Бекей Қанатов пен қызылордалық Арайлым Махамбетжанова - екінші, қарағандылық Ербота Ұзақбаев, Астраханнан келген «Этиль» триосы, зеленовтық «Серілер» квинтеті және атыраулық Айбар Ғаниұлы үшінші орынға ие болды. Сондай-ақ дипломант атанғандар да тарту-таралғысыз қалған жоқ.
Айта кетейік, туған жеріне шығармашылық сапармен келген Ескендір Хасанғалиев Бөрлі, Теректі аудандарында өнер көрсетеді.
