14:06, 14 Қазан 2017 | GMT +6
Астанадағы жәрмеңкелерде былтырғыдан екі есе көп өнім сатылды
АСТАНА. ҚазАқпарат - Астана тұрғындары жәрмеңкеге өткізген аграршылардан шамамен 8 млн теңгенің өнімін сатып алды. Бұл - былтырғы көлемнен екі есе артық көрсеткіш, деп хабарлайды елорда әкімдігінің медиа орталығы .
8 айдың қорытындыларына сәйкес, жәрмеңкелерде өнімнің 25 мыңнан астам тоннасы өткізілген.
Қаңтар мен тамыз айларының аралығында Жамбыл облысы Астанаға өнімнің 3400, ОҚО - 2315, Атырау облысы - 280, БҚО - 530, Қызылорда облысы - 612, Алматы облысы - 1 1761, Ақтөбе облысы - 615, Қарағанды - 435, Қостанай - 1800, ШҚО - 720, Павлодар - 1357, СҚО - 500 және Ақмола облысы - 1435 тоннасын әкелді.
Қазан айының соңына дейін өз өнімдерін елорда тұрғындары үшін Атырау, СҚО, Павлодар және Ақмола облыстарының ауылшаруашылығы тауарларын өндірушілері екінші мәрте ұсынатын болады.