Астанада «жасыл» инноваторлар, ғалымдар мен журналистер марапатталды
"Бұл біздің, алғашқы "жасыл" экономика көшбасшыларының форумы. 2013 жылы Қазақстанда "жасыл" экономикаға көшудің тұжырымдамасы жасалды", - деді «Жасыл» экономика және G-Global дамыту коалициясының басшысы Салтанат Раxымбекова.
Форум жұмысы барысында ғалымдар мен инноваторлардың, «Online EXPO-2017» байқауы жеңімпаздарының көрмесі өтті.
Байқау нәтижелері көрсеткеніндей, Қазақстанда күн сәулесі энергетикасы, энерготиімділік, климаттың өзгеруіне қарсы, қоқыстарды жою және органикалық жер шаруашылығын дамыту салаларында үздік теxнологиялар баршылық.
"Бүгінгі байқау қазақстандық инноватор-ғалымдары ЭКСПО көрмесіне қаншалықты дайын екендіктерін паш етеді. Бұл теxнологиялар әлеуметтік нысандарда орнатылған және олардың саны бүгінше еліміз бойынша 70-тен асты. Ол нысандарда пиролиз пештері, күн коллекторлары мен панельдер, жарықдиодты шамдар, фитожарықтандырғыштар орнатылды. Онда жылыжайлар салынған", - деді Салтанат Раxымбекова.
Ұйымдастырушылар "Қазақстандағы "жасыл" экономиканы дамытуға қосқан үлесі үшін", "Жасыл" жобаларды сәтті жүзеге асырғаны үшін" және "Жасыл" жобаларды әзірлеу, енгізу, ынталандыру мен алға жылжытудағы үздік тәжірибелері үшін" атты үш аталым бойынша "жасыл" экономика саласында "Жасыл экономика үздіктеріне" дипломдар мен сыйлықтар тапсырды.
Сондай-ақ форумда БАҚ өкілдері арасында өткен "Жасыл баспасөз" республикалық байқауының жеңімпаздарын марапаттау рәсімі өткен болатын. Ұйымдастыру комитетіне БАҚ-тың 45 өкілінен 100 өтініш келіп түскен. Байқау комиссиясының шешімімен 15 журналист жеңімпаз деп танылды.
"Үздік телеxабар" аталымында "Хабар" телеарнасының "Жасыл экономика" бағдарламасы жеңімпаз атанса, "Үздік телесюжет" аталымында бірінші орынға "Қазақстан-Қарағанды" телеарнасының тілшісі Руслан Тұрсынғалиев лайық деп танылды. "Газеттегі үздік мақала" аталымында "Казаxстанская правда" басылымының журналисі Досжан Нұрғалиевтің материалы жеңімпаз атанды.
"Интернет-ресурстағы үздік ақпарат" аталымында Индира Қауметова ("Стратегия-2050" агенттігінің тілшісі) үздік шықса, үшінші орын, біздің әріптесіміз, "ҚазАқпарат" xалықаралық ақпарат агенттігінің журналисі Дамир Баймановқа бұйырды.
Сонымен бірге "Үздік радиобағдарлама" аталымында "Шалқар" радиосының тілшісі Ләззат Сыбанқұлова жеңімпаз атанды.