Арыс қаласында 26 мың шаршы метр тұрғын үй пайдалануға берілді

Мұрат Болатұлының сөзінше, өткен жылы ауданда өндірілген жалпы ішкі өнім көлемі 32,8 млрд теңгені құраған. Биылғы  жылы қала экономикасының ішкі өнім көлемін 33,8 млрд теңгеге жеткізу жоспарланып отыр.

«Былтыр қаланың өнеркәсіп кәсіпорындарында 8 млрд 782 млн теңгенің өнімі өндіріліп, өнеркәсіп өнімінің нақты көлем индексі   104,6 пайызды құрады. Биыл өнеркәсіп өнімінің нақты көлем индексін 105 пайызға жеткізу көзделіп отыр. Сондай-ақ, кәсіпкерлікті қолдау картасы аясында биылғы  жылы жалпы құны 8 млрд  680 млн теңгені құрайтын 8 жоба іске қосылып, 172 жұмыс орындары ашылатын болады», - деді аудан басшысы.

Бұдан өзге, тоғыз жолдың торабында орналасқан ауданда  негізгі капиталға тартылған жалпы инвестиция көлемі 5 млрд 831 млн теңгеге жеткен. Өнеркәсіп, шағын және орта кәсіпкерлік, туризм және ауылшаруашылығы салаларында іске асырылатын жобалардың есебінен бюджеттік емес инвестиция көлемі 2 млрд 864 млн теңгені құрайды деп жоспарланып отыр.

«Бизнестің жол картасы 2020» бизнесті қолдау мен дамытудың бірыңғай бағдарламасы аясында 3 жобаға қолдау көрсетіліпті. Ағымдағы  жылы аталған бағдарлама аясында 7 жобаға қолдау көрсетілетін болады. Оның 3-еуі субсидиялау, 2-еуі кепілдендіру, 1-еуі грант, 1-еуі инфрақұрылым бойынша жүзеге аспақ»,- деді Мұрат Қадырбек.