16:11, 26 Сәуір 2018 | GMT +6
Армения жаңа премьер-министрін сайлайды
АСТАНА. ҚазАқпарат - Армения ұлттық жиынының төрағасы Ара Баблоян елде премьер-министрді сайлау өтетінін мәлімдеді, деп хабарлайды Арменпресс.
«АР «Регламент ҰЖ» Конституциялық заңының 140-бабы, 3-бөлігіне сәйкес, премьер-министр сайлауын өткізу мәселесі 1 мамыр күні сағат 12:00-де ҰЖ арнайы отырысында талқыланады»,-деп жазылған мәлімдемеде.
Естеріңізге сала кетейік, Арменияның премьер-министрі Серж Саргсян 23 сәуір күні отставкаға кеткен, 7 күннің ішінде ҰЖ фракциясы бұл лауазымға өз кандидатын ұсыну құқығына ие. Бұдан кейін Арменияда ашық дауыс беру жолымен жаңа премьер-министр сайланады.