Арқалықта «ақылды» қала жүйесі енгізіледі
«Арқалық қаласы «ақылды» қала жүйесінің элементтерін, атап айтсақ «ақылды» жарықтандыру, сондай-ақ «жасыл» технологияны ендіруді мақсат етіп отыр. Арқалықтағы баламалы қуат көзін ендірудің алғашқы тәжірибелерінің бірі «Алюминстрой» жауапкершілігі шектеулі серіктестігінің қуаттылығы 3,5 кВт жел генераторларын және күн батареяларын қолдануы болып табылады»,- деді ол Үкімет үйінде «ЭКСПО-2017 көрмесінде ұсынылған жаңа ғылыми әдістер мен технологияларды қолдану мәселелеріне арналған баспасөз мәслихатында.
Оның айтуынша, институт ЭКСПО-2017 көрмесінің алдындағы бірқатар іс-шараларға қатысты. Институттың студенттері мен оқытушылары көрме тақырыптарына қатысты мәселелерге зерттеулер жүргізді. Зерттеу нәтижелері бойынша 15-тен аса ғылыми жұмыстар жарияланып, бір ғылыми жоба орындалды.
«Бір мамандық - бір инновациялық аудитория» қағидаты бойынша оқу үрдісін ресурстық жабдықтауды дамытуға бағытталған институт жобаның аясында материалдық-техникалық базаны жаңғырту жұмыстары басталды. Алғашқы қадамдардың бірі ретінде физика және информатика мамандықтарының студенттеріне арналған «Роботты техника» оқу зертханасының сатып алынуы болды. 2018 жылы «ЭКСПО-2017» көрмесінде Украина мемлекеті ұсынған зертханаларды автономды электрмен қамтамасыз етуге арналған энергиясын электр энергиясына айналдыратын, терезенің темір пердешелеріне фотоэлектрлі элементтерді монтаждайтын Solar gaps жүйесін сатып алуды жоспарлаудамыз», - деді Сейітбек Қуанышбаев.