16:17, 04 Наурыз 2018 | GMT +6
Алматы базарында өрт болды
АСТАНА. ҚазАқпарат - Алматыдағы «Жетісу-Семиречье» базарында ірі өрт болды, деп хабарлайды «ҚазАқпарат» ХАА тілшісі.
Алматы ТЖД ресми өкілі Сандуғаш Баймұхамбетованың айтуынша, Түркісіб ауданында «Жетісу-Семиречье» базарындағы контейнердің жанып жатқаны туралы хабар 13 сағат 15 минутта түскен.
«Оқиға орнына 13:25-те келген өрт сөндіруші-құтқарушылар бұл ақпаратты растады. Ішінде тұрмыстық заттар бар үш контейнер жанып жатқан. Өрт сағат сағат 13:39-да сөндірілді», - деді Сандуғаш Баймұхамбетова.
Қуанышқа орай, ешкім зардап шекпеген. Тілсіз жауды сөндіруге жеке құрамның 30 адамы мен 5 техника жұмылдырылған.