Алдағы екі күнде Сырдарияда су деңгейі көтеріліп, 4 ауданға қауіп төндіруі мүмкін

Облыстық төтенше жағдайлар департаментінің бастығы Нұрболат Дербісовтің айтуынша, Өзбекстан гидрометінен келген ескертуге  сәйкес, «сәуірдің 22-24 күндері Сырдария өзеніне  секундына 1,8-2 млн текше метр су келеді деген болжам бар.  Өйткені  Сырдария өзеніне келетін  су шығыны Чиназ бекетінде секундына 1,5 - 1,6 мың текше метрге, ал  Шыршықтың төменгі ағысында  секундына 500-550 текше метрге жеткен. Өз кезегінде Сырдария өзені бойынша Өзбекстан аумағына судың шамадан тыс  келуі салдарынан Шардара су қоймасында су ұлғая түсетіндігін мәлім. Ал Шардара су қоймасының сиымдылығы 5,2 млрд текше метр болса қазір онда 4 млрд 886 млн текше метр су бар. Қазіргі таңда келіп жатқаны секундтына 1,5 мың текше метрді құрап отыр.  Департамент басшысының сөзінше, егер көрші елден көп су келген жағдайда Арыс, Отырар, Шардара аудандары мен Түркістан қаласының кей елді мекендерін су басуы мүмкін. Сондықтан төтенше жағдайды болдырмау үшін өңірде сақтық шаралары күшейтіліп жатыр.