Алау көтеруші Карина Горичева: Студенттік ойындар - бұл ерекше орта
Горичева Универсиада жарыстарымен етене таныс спортшы: ол 2013 жылы Қазанде өткен Жазғы универсиадаға қатысып, күміс жүлдегер атанған-тын. Сұхбат берген Карина Алматыдағы Қысқы универсиадаға қатысты үміттерімен бөлісті.
«Алау эстафетасына қатысатыныма аса қуаныштымын, мен үшін бұл үлкен жауапкершілік. Универсиада кезінде спортшыларымыздан тек жеңістерді күтемін, олардың әрқайсысы үшін алаңдап, қолдаушылар қатарынан табыламын», - деді Горичева.
Осы тұста Карина студенттік ойындар өзіне ғана тән ерекше ортада өткенін атап өтті. «Қазанда жылы шырайлы орта болды. Әрине, ол басқа жарыстардан осынысымен ерекшеленеді. Жарыстар бүге-шегесіне дейін бәрі ойластырылып, жақсы ұйымдастырылды. Мен зілтеміршілердің ғана емес, сондай-ақ, бокс, дзюдо секілді басқа да жарыстарды көре алдым», - дейді Карина.