1 жастағы баласын қаңғыртып жіберген әйел аналық құқығынан айырылуы мүмкін
Оның айтуынша, Ресей Федерациясының азаматшасы мас күйінде 1 жастағы баласын көшеде тастап кетіп қалған.
«Өзінен сұраған кезде Алматы облысындағы шаруа қожалықтарының бірінде жұмысқа тұрмақшы болдым деп түсіндірді. Қазір келіншек ҚР ҚК 119-бабы бойынша (қауіп-қатерде қалдыру) қылмыстық жауапкершілікке тартылып жатыр. Бұлтартпау шарасы туралы шешім қабылданады. Сонымен қатар, қосымша оны аналық құқығынан айыру мәселесі де көтерілетін болады. Өйткені, ондай адам балаға дұрыс ана бола алмайды», - деді Салтанат Әзірбек.
Айта кету керек, 1 жастағы бүлдіршіннің №2 қалалық аурухананың гематология бөлімшесінде жатқанына 2 аптадан асты.
Қарны ашып, қатты тоңған баланы полиция қызметкерлері 8 қазанда кешкі 21:30-да Спасская көшесінен тауып алған. Осы уақытқа дейін анасы іздеп келмеген.
Аурухана қызметкерлерінің айтуынша, баланың денсаулығында ақау жоқ.