ا ق ش مۇنايى ەۋروپادا رەسەي مۇنايىنا باسەكەلەس بولا باستادى

Thomson Reuters- ءتىڭ مالىمەتىنشە، امەريكالىق وندىرۋشىلەر 2018 -جىلدىڭ العاشقى ءتورت ايىندا ەۋروپاعا 7 ميلليون توننا مۇناي ەكسپورتتاعان. ءساۋىر ايىنداعى ەكسپورت كولەمى 2,2 ميلليون توننانى قۇراپ، رەكوردتىق كورسەتكىشكە جەتۋى ءتيىس.

ەۋروپادا ا ق ش مۇنايىن نەگىزىنەن يتاليا، ۇلى بريتانيا جانە نيدەرلاند يمپورتتايدى. پولشاداعى مۇناي وڭدەۋشى كومپانيالار امەريكالىق مۇنايدى سىناقتان وتكىزىپ جاتىر.

ساراپشىلاردىڭ سوزىنشە، امەريكالىق ەنەرگەتيكالىق رەسۋرستاردى يمپورتتاۋعا قىزىعۋشىلىق ا ق ش مۇنايىنىڭ باعاسى ارزانداۋ بولعاندىقتان ارتىپ وتىر. ا ق ش مۇنايىنىڭ باعاسى تاسىمالداۋ شىعىنىن قوسا ەسەپتەگەننىڭ وزىندە Brent ماركالى مۇنايعا باسەكەلەس بولا الادى.

سونىمەن قاتار، مۇناي باعاسى سالىستىرمالى تۇردە العاندا جوعارى بولىپ تۇرعاندىقتان تاقتاتاستان مۇناي الاتىن امەريكالىق وندىرۋشىلەر ءوندىرىس كولەمىن ارتتىرىپ، ءبىراز تابىس ءتۇسىرىپ وتىر. رەسمي بولجام بويىنشا، 2018 -جىلى ا ق ش- تا مۇناي ءوندىرۋ كولەمى 620 ميلليون تونناعا دەيىن ۇلعايادى. رەسەي مەن ساۋد ارابياسىندا دا شامامەن وسىنداي مولشەردە مۇناي وندىرىلمەك.

www.azattyq.org