اتتەستاتسيادان وتە الماعان مۇعالىمنىڭ باسقا مۇمكىنشىلىگى بار ما

  بۇل تۋرالى بۇگىن ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى شولپان كارينوۆا ايتتى، دەپ حابارلايدى قازاقپارات ءتىلشىسى.

«پەداگوگ كادرلاردىڭ بىلىكتىلىگىن، ساناتتارىن تاعايىنداۋ، راستاۋ ءۇشىن جاڭا اتتەستاتسيانى ەكى كەزەڭدە وتكىزۋ جوسپارلانۋدا. ءبىرىنشى كەزەڭ ۇلتتىق بىلىكتىلىك تەستى وقىتۋ ءپانىنىڭ مازمۇنىنا جانە وقۋ- ادىستەمەسى، پەداگوگيكا مودۋلدەرى بويىنشا 26 - مامىردان 5 - ماۋسىم ارالىعىندا وتەدى. ەكىنشى تەستىلەۋ بيىلعى جىلدىڭ 1-10- قاراشاسى ارالىعىنا جوسپارلانعان»، - دەدى ول ق ر ءبىلىم جانە عىلىم ءمينيسترى ەرلان ساعاديەۆتىڭ حالىقپەن ەسەپتىك كەزدەسۋى بارىسىندا.

ونىڭ ايتۋىنشا، تەستتە كەلەتىن سۇراقتاردىڭ 70 پايىزى پاندىك بىلىمگە قاتىستى بولسا، 30 پايىزى پەدگوگيكا مەن ادىستەمە ماسەلەلەرىن قامتيدى.

 «ەكىنشى كەزەڭدە قىزمەت ناتيجەلەرىنە كەشەندى تالدامالىق قورىتىندى جاسالادى. بۇل اعىمداعى جىلدىڭ 31 - شىلدەسىندە نەمەسە ەكىنشى كەزەڭى 15 - جەلتوقساندا وتكىزىلەدى. جاڭا جۇيە مەن ەسكى جۇيەنىڭ اراسىنداعى باستى ايىرماشىلىق مۇعالىم جۇمىسىن ىنتالاندىرۋ بولىپ تابىلادى. اتتەستاتسيالاۋدان بارلىق ءوتىنىش بىلدىرۋىشىلەر وتە الادى. ەگەر اتتەستاتسيالاۋدان وتە الماعان مۇعالىمدەر بار بولاتىن بولسا، ولاردىڭ قايتا اتتەستاتسيالاۋدان وتۋىنە جىلىنا 2 رەت مۇمكىنشىلىگى بار»، - دەدى شولپان كارينوۆا.

بۇعان دەيىن مۇعالىمدەردى اتتەستاتسيادان وتكىزۋدىڭ جاڭا جۇيەسى دايىندالعانىن حابارلاعان بولاتىنبىز.

فوتو: evroportal.ru

اۆتور: مارلان جيەمباي