شىلدەدە استاناعا تارتىلاتىن گاز قۇبىرىنىڭ قۇرىلىسى باستالادى

«مەملەكەت باسشىسىنىڭ بەسىنشى الەۋمەتتىك باستاماسىنىڭ ارقاسىندا ورتالىق جانە سولتۇستىك وڭىرلەرگە، ونىڭ ىشىندە استاناعا گاز تارتۋ ماسەلەسىنە شەشىم قابىلداندى. بۇگىندە «سارى ارقا» ماگيسترالدى گاز قۇبىرى قۇرىلىسىنىڭ جوباسى بويىنشا تەحنيكالىق- ەكونوميكالىق نەگىزدەمە اياقتالدى. سونىمەن قاتار، بۇل قۇجات اياسىندا مەملەكەتتىك ساراپتامانىڭ وڭتايلى قورىتىندىسى بەرىلدى. گاز قۇبىرىنىڭ قۇرىلىسىنا بيىلعى شىلدەدە كىرىسۋ جوسپارلانىپ وتىر»، - دەدى ق. بوزىمبايەۆ ۇكىمەتتىك ەمەس ۇيىم وكىلدەرىمەن كەزدەسۋ بارىسىندا.

 وسى ورايدا مينيستر ماگيسترالدى گاز قۇبىرى ءبىرىنشى كەزەڭىنىڭ بارلىق جۇمىستارى 2019 -جىلدىڭ جەلتوقسانىنا دەيىن اياقتالاتىنىن اتاپ ءوتتى. ءبىرىنشى كەزەڭدەگى « قىزىلوردا- جەزقازعان- قاراعاندى- تەمىرتاۋ- استانا» جەلىسىنىڭ قۇنى 267,3 ميلليارد تەڭگەگە باعالاندى. وسى ورايدا، گاز قۇبىرى تارتىلاتىن ارالىق  1081 شاقىرىمعا سوزىلادى، ال قۇبىردىڭ ديامەترى 820 ميلليمەترگە تەڭ.

«بۇل كورسەتكىشتەردى تەحنيكالىق- ەكونوميكالىق نەگىزدەمەگە سۇيەنىپ ايتىپ وتىرمىن. الايدا جوبالىق- سمەتالىق قۇجاتناما ازىرلەنىپ قويدى. وسىعان بايلانىستى، قازىرگى كەزدە ول مەملەكەتتىك ساراپتامادان ءوتىپ جاتىر. اتاپ ايتقاندا، كورسەتكىشتەر وزگەرۋى مۇمكىن، سەبەبى قۇبىر باعدارى ازداپ قىسقارادى، وسى ورايدا كەيبىر ارالىقتاردا قۇرىلىس ارزاندايدى. مەنىڭ ويىمشا، ءبىر ايدان كەيىن وسى باعىتتاعى ەسەپ- قيساپ ءبىرشاما تۇزەتۋلى ىقتيمال»، - دەدى قانات بوزىمبايەۆ.

اۆتور: رۋسلان عابباسوۆ