ۇلتتىق ءبىرىڭعاي تەستىدە قانداي وزگەرىس بولادى

 بۇل تۋرالى حالىقپەن ەسەپتىك كەزدەسۋ وتكىزگەن ق ر ءبىلىم جانە عىلىم ءمينيسترى ەرلان ساعاديەۆ ايتتى، دەپ حابارلايدى قازاقپارات ءتىلشىسى.

«اعىماعى جىلى ۇلتتىق ءبىرىڭعاي تەست تاپسىرۋ ەرەجەسى وزگەرگەن جوق. دەگەنمەن، تەست تاپسىرۋشىلارعا ىڭعايلى بولۋى ءۇشىن ازداعان تۇەتۋلەر ەنگىزىلدى. ۇ ب ت بەس پاننەن تۇرادى: ۇشەۋى مىندەتتى جانە ەكەۋى تاڭداۋى بويىنشا. بۇگىنگى كۇنى تەست تاپسىرمالارى بازاسىنىڭ 50 پايىزى جاڭارتىلدى. سونىمەن قاتار ۇ ب ت- نى اعىلشىن تىلىندە دە تاپسىرۋعا مۇمكىندىك بەرىلەدى. قازىردىڭ وزىندە شامامەن 200 ادام جازىلدى»، - دەدى مينيستر.

مۇنان بولەك ول الەۋمەتتىك جاعىنان از قامتىلعان وتباسىلاردىڭ بالالارى بۇگىنگى كۇنى 100 پايىز ىستىق تاماقپەن تەگىن قامتاماسىز ەتىلگەندىگىن ايتتى. سونىمەن قاتار مەكتەپتەن شالعاي جەردە تۇراتىن وقۋشىلاردىڭ 98 پايىزىن ءبىلىم ورداسىنا جەتكىزۋ قامتاماسىز ەتىلگەن.

«بىرنەشە جىل بويى جەتىم بالالاردىڭ رەسپۋبليكالىق بازاسى جۇمىس ىستەپ تۇر. بۇل جەردەن اتا- اناسىنىڭ قامقورلىعىنسىز قالعان بالالاردى پاتروناتتىق تاربيەلەۋ، اسىراپ الۋعا بەرۋ شارالارى جۇرگىزىلەدى. سوڭعى جىلدارى مۇنداي سالالاردىڭ سانى 1 مىڭعا قىسقاردى»، - دەدى ەرلان ساعاديەۆ.

اۆتور: مارلان جيەمباي