قازاقستاندا ايەلدەردىڭ فۋتبول كلۋبتارى كوبەيەدى

اتالعان قۇجاتتا ايەلدەر كلۋبتارىنىڭ سانىن ارتتىرۋ مىندەتى بەلگىلەنىپ وتىر، دەپ حابارلايدى قازاقپارات ءتىلشىسى.

«بىزگە ايەلدەر فۋتبولىن ۇمىتپاۋ قاجەت. قازاقستاندا ەرلەر كلۋبتارىنىڭ سانى 23 بولسا، ايەلدەر كىرەتىن كوماندالار نەبارى 5 كلۋبتى قۇرايدى. وسى ورايدا ءبىراز سىن- ەسكەتپەلەر ايتىلدى. بىزدىڭشە، جاڭا ستراتەگيانى ىسكە اسىرۋ جوسپارىندا ايەلەر چەمپيوناتىنا قاتىساتىن كلۋبتاردىڭ سانىن ارتتىرۋ مىندەتىن ەنگىزگەن ءجون. سوندا قازاقستاننىڭ ايەلدەر قۇراماسىنا ويىنشىلاردى كوپتەپ ىرىكتەۋگە بولادى. ارينە، ايەلدەر فۋتبولى ءۇشىن بارلىق جاعدايدى جاساۋ قاجەت. كاسىبي مامانداردى شاقىرۋىمىز قاجەت»، - دەدى ا. ايتحوجين بۇگىن قازاقستان فۋتبول فەدەراتسياسىنىڭ XVII كونفەرەنسياسىندا.

ونىڭ ايتۋىنشا، بيىل اۋەسقوي فۋتبولشىلاردى پاسپورتيزاتسيالاۋ شارالارى باستالدى. قازىردىڭ وزىندە 200 مىڭ ادام تىركەلدى.

ايتا كەتەيىك، «العا، فۋتبول! العا، Qazaqstan!» اتتى جاڭا ستراتەگيادا باتىل ءبىر ماقسات بار. ول - فۋتبولدىڭ قازاقستاندىق ءستيلىن قالىپتاستىرۋ. «سونىڭ ارقاسىندا قازاقستاننىڭ فۋتبولى بارشا الەمگە تانىلادى دەگەن جوسپار بار. ارينە، وعان بارلىعىمىز كۇش سالۋىمىز قاجەت»، - دەيدى ا. ايتحوجين.