جەكە كەشىن وتكىزەتىن ەركە ەسماحان تىڭدارمانىن قالاي تاڭعالدىرماق
تانىمالدىلىق تۇعىرىنا قونعانىنا تەك ساناۋلى ۋاقىت بولعانىن ايتقان ءانشى، جەكە كەشىن وتكىزۋدى جوسپارلاپ ءجۇر.
بۇل تۋرالى ن ت ك ارناسىنىڭ «رەۆيۋ» باعدارلاماسىندا ايتىلدى.
ەركە ەسماحاننىڭ قازاق ەستراداسىنداعى جولىن اشقان، ءدال وسى «ىڭكار» گەلزبەندى بولاتىن. الايدا، بۇگىندە ءتۇرلى حيتتەرىمەن ايگىلى بيكەش، توپ قۇرامىندا جۇرگەندە جۇرت مەنى ەلەمەيتىن ەدى دەگەن پىكىرىدە.
«مەنىڭ ەركە ەكەنىمدى مۇمكىن بىلگەن شىعار، «ىڭكار» توبىنداعى ەركە دەگەن قىز دەپ. ودان كەيىن مەنىڭ ەركە ەسماحان ەكەنىمدى «ايشا- ءبيبى» كليپىنەن كەيىن ءبىلىپ باستادى»، - دەيدى ەركە.
تەك جەكە ورىنداۋشى رەتىندە تانىلعان سوڭعى 5 -جىلدا، ونەردەگى باعىم جاندى دەگەن ەركە، ايتۋلى داتاعا وراي ءوزىنىڭ ءان كەشىن وتكىزۋدى جوسپارلاپ وتىر.
«ەندى بەس جىل دەمەسەم دە، مۇمكىن ونەردە ۇلكەن كونسەرت بەرۋىم كەرەك. ول كونتسەرت مەن ءۇشىن قىمبات. بىلمەيمىن، ول كونتسەرت مەنىڭ ويىمدا، ول كونتسەرتتى كورەم، ارمانداپ ۇيىقتار الدىندا»، - دەيدى ەركە.
مانسابىنداعى بۇل ماڭىزدى قادامعا بارماس بۇرىن، ەسماحان كوپ ويلانعان. ەندى عانا رەسپۋبليكا سارايىندا كونتسەرت وتكىزۋگە ءوزىن لايىقتى دەپ تاپقان ول، ءوز كەشىندە فانوگرامماسىز ءان شىرقاۋدى كوزدەيدى.
«كورەرمەننىڭ تىڭداعانىن قالايمىن. ۇلكەن وركەستىرمەن، ءبارى تابيعي داۋىسپەن. ءوزىمنىڭ ليريكالىق اندەرىمدى، ودان قالدى تويدىڭ اندەردىن. ءوزىمنىڭ رەپەرتۋارىمداعى بارلىق اندەردى ورىندايمىن»، - دەيدى ەركە ەسماحان.
ەركە ەسماحاننىڭ ۇسىنار جاعىمدى جاڭالىعى بۇل عانا ەمەس. حيت ورىنداۋشى جۋىق ارادا «اتاعىن اسقاقتاتاتىن» كەزەكتى تۋىندىسىنىڭ تۇساۋىن كەسپەك.
«باسقا اندەرگە ۇقسامايدى. باسقا باعىتتا، باسقا تاقىرىپتا. بەينەبايان وتە ەرەكشە. ءتۇسىرىلىمى ءبارى بولىپ قويدى، قازىر تەك قانا مەنى كۇتىپ وتىر. مەن كورىپ، ءانىمدى تاپسىرىپ، سوسىن تەلەارنالارعا بەرۋىم كەرەك»، - دەيدى ەركە ەسماحان.