بۇگىن - قازاق فۋتبولىنىڭ كۇنى

None
None
استانا. قازاقپارات - بۇگىن ەلىمىزدىڭ بارلىق وڭىرىندە قازاقستان فۋتبولىنىڭ كۇنى اتالىپ وتەدى، دەپ حابارلايدى قازاقپارات قازاقستان كاسىپقوي فۋتبول ليگاسىنا سىلتەمە جاساپ.

ەستەرىڭىزگە سالساق، 2002-جىلدىڭ 25- ءساۋىرى كۇنى شۆەتسيا استاناسى ستوكگولمدە وتكەن ۋ ە ف ا كونگرەسىندە قازاقستان رەسمي تۇردە ەۋروپا فۋتبول قاۋىمداستىقتارىنىڭ وداعىنا قابىلداندى. ەلىمىز اتالعان قاۋىمداستىققا 52- بولىپ كىردى. وتاندىق فۋتبول تاريحىنىڭ جاڭا كەزەڭى وسى ماڭىزدى وقيعادان باستالدى.

«ءبىزدىڭ فۋتبولشىلار ەۋروپا ارەنالارىندا كارى قۇرلىقتىڭ مىقتى ۇجىمدارىنا قارسى تۇردى. بۇگىن قازاقستاندا فۋتبول دامۋ جولىن جالعاستىرىپ، ونىڭ ورلەۋىنە مەملەكەت پەن قوعام نازارى زور ىقپال ەتىپ كەلەدى. بارلىق فۋتبول جانكۇيەرلەرىنە ۇلكەن سپورتتىق جەڭىستەر تىلەيمىز! دەنساۋلىق، باقىت جانە قازاقستاندىق كلۋبتار مەن ۇلتتىق قۇراما ويىندارىنان تاماشا اسەر الۋلارىڭىزعا تىلەكشىمىز!» - دەلىنگەن قازاقستان كاسىپقوي فۋتبول ليگاسىنىڭ باسپا ءسوز قىزمەتى تاراتقان حابارلامادا.

فۋتبولدان ەل قۇراماسى 2018-جىلعى ءساۋىر ايىنا سايكەس ف ي ف ا رەيتينگىندە 119-ورىندا تۇر.

اۆتور: قاسقىرباي قويشىمانوۆ

سوڭعى جاڭالىقتار