باقىتجان ساعىنتايەۆ ساتبايەۆ قالاسىنداعى جاڭا شاعىن اۋداننىڭ قۇرىلىسىمەن تانىستى

«نۇرلى مەكەن» شاعىن اۋدانىنا جەزقازعان قالاسىنىڭ اپاتتى ۇيلەرىنىڭ تۇرعىندارى جانە مىس كەن ورىندارىن قايتا وڭدەۋ كەزىندە قۇلاعان اۋدان ايماعىنداعى كورشى ەلدى مەكەننىڭ تۇرعىندارى كوشىرىلەدى. ولار جەزقازعان، ساتبايەۆ جانە ۇلىتاۋ وڭىرلەرىن الەۋمەتتىك-ەكونوميكالىق دامىتۋدىڭ 2012-2020-جىلدارعا ارنالعان كەشەندى جوسپارى اياسىندا جاڭا پاتەرلەرگە يە بولادى.

قونىس اۋدارۋشى ازاماتتار ءۇشىن بۇگىنگى تاڭدا شاعىن اۋداندا 1760 پاتەر (118700 م ²) سالىندى. ماگيسترالدى جىلۋ جۇيەسى جۇرگىزىلگەن، ۇيلەر قاجەتتى ينجەنەرلىك كوممۋنيكاتسيالارمەن قامتاماسىز ەتىلگەن.

ساتبايەۆ قالاسىنىڭ اكىمى ا. ىدىرىسوۆ 2018 جىلدىڭ ماۋسىم ايىنىڭ سوڭىنا دەيىن اۋدانى 12100 م² (195 پاتەر) بولاتىن 4 ءۇي تۇرعىزىلاتىنىن ايتتى. بۇعان قوسا، بيىل 107 ەكى پاتەرلى ءۇي مەن ەكى جاتاقحانا قۇرىلىسىن اياقتاۋ كوزدەلگەن.

باقىتجان ساعىنتايەۆ، سونداي- اق، نىساندى ارالاۋ بارىسىندا جەزقازعان ءوڭىرىنىڭ تۇرعىن ءۇي قۇرىلىسى جوسپارلارىمەن جانە مەملەكەت باسشىسىنىڭ «بەس الەۋمەتتىك باستاما» ۇندەۋىندە بەرگەن تاپسىرمالارىن ەسكەرە وتىرىپ، «نۇرلى جەر» باعدارلاماسىن ىسكە اسىرۋ جوسپارىمەن تانىستى.

«نۇرلى جەر» تۇرعىن ءۇي قۇرىلىسى باعدارلاماسى بويىنشا وتكەن جىلى قاراعاندى وبلىسىندا 374100 م² تۇرعىن ءۇي سالىندى، بۇل 2016-جىلعا قاراعاندا %9,8 ارتىق. 3,3 مىڭنان استام وتباسىنىڭ تۇرعىن ءۇي جاعدايى جاقسارتىلدى. 2018-جىلدىڭ ءى توقسانىندا 113100 م² نەمەسە 2017-جىلدىڭ وسىنداي كەزەڭىمەن سالىستىرعاندا %131 تۇرعىن ءۇي پايدالانۋعا بەرىلدى، 1,2 مىڭعا جۋىق وتباسىنىڭ تۇرعىن ءۇي جاعدايى جاقسارتىلدى.