استانادا شىڭعىس ايماتوۆ تۋرالى جاڭا كىتاپتىڭ تۇساۋى كەسىلدى
جيناقتى حالىقارالىق تۇركى اكادەمياسى ش. ايتماتوۆتىڭ 90 جىلدىق مەرەيتويى قارساڭىندا شىعارىپ وتىر.
«ايتماتوۆ جىلىنىڭ استانادا باستالىپ وتىرعانى، ورتالىق ازيانىڭ ىشىندە العاش رەت قازاقستاندا ءوتىپ وتىرعانى كەزدەيسوق ەمەس. ايتماتوۆتىڭ بۇكىل شىعارمالارى قازاق حالقىمەن ەتەنە تىعىز بايلانىستى. مىسالى، «ءجاميلا» شىعارماسىنان باستاپ، «بوراندى بەكەتكە» دەيىن جانە ت. ب. بۇكىل شىعارمالارىندا قازاق پەن قىرعىز حالقىنىڭ تاعدىرى بىردەي ورىلگەن»، - دەدى حالىقارالىق تۇركى اكادەمياسىنىڭ پرەزيدەنتى دارحان قىدىرالى حالىقارالىق فورۋم اياسىندا.
لەنتا قيۋ راسىمىنە كورنەكتى مەملەكەت جانە قوعام قايراتكەرلەرى، قىرعىز بەن قازاققا ورتاق تۇلعالار - مىرزاتاي جولداسبەكوۆ، ومىربەك بايگەلدى، قىرعىز تاراپىنان مەدەتحان شەرىمقۇلوۆ پەن بولاتبەك شامشيەۆ قاتىستى.
«شىڭعىس ايتماتوۆ الەمگە تانىلعان زاڭعار جازۋشى. ونىڭ شىعارمالارىنداعى باستى كەيىپكەرلەر قىرعىز بەن قازاق ەدى. ول ءوز شىعارمالارى ارقىلى قازاق پەن قىرعىز حالقىنىڭ اراسىنداعى بايلانىستى تەرەڭدەتە ءتۇستى. «بوراندى بەكەت» كىتابىندا قازاقتىڭ ءومىرى تۋرالى باياندالعان. ول قازاقستاندى سۇيەتىن. قازاق حالقىنىڭ دارحان دالاسى وعان شابىت بەرەتىن. ول بيىككە ۇمتىلاتىن»، - دەپ جازۋشىنى ەسكە الدى وسماناكۋن يبرايموۆ حالىقارالىق فورۋمدا.
ونىڭ ايتۋىنشا، بۇل كىتاپ ماسكەۋدە «جيزن زامەچاتەلنىح ليۋدەي» اتتى سەريامەن ورىس تىلىندە «مولودايا گۆارديا» باسپاسىنان شىعادى جانە وزگە تىلدەرگە اۋدارىلىپ جاتىر.
حالىقارالىق تۇرىك اكادەمياسىنىڭ پرەزيدەنتى دارحان قىدىرالى جازۋشىنىڭ 90 جىلدىق مەرەيتويى اياسىندا تاعى ءبىرقاتار شارالار وتەتىنىن ەسكە سالدى. كەلەسى اپتادا يۋنەسكودا شىڭعىس ايتماتوۆتىڭ 90 جىلدىعى اتالىپ وتەدى. مەرەيتويلار وزبەكستاندا، تۇركيادا جانە باسقا دا جەرلەردە جانە ەڭ سوڭعى شارا بىشكەكتە جىل سوڭىندا ۇيىمداستىرىلادى.
تۇساۋكەسەردەن كەيىن حالىقارالىق فورۋم كەلۋشىلەرى قىرعىز رەجيسسەرى ارتىقباي سۇيۇندۇكوۆتىڭ «ايتماتوۆ» اتتى دەرەكتى فيلمىن تاماشالادى.
ايتا كەتەيىك، استانادا شىڭعىس ايتماتوۆتىڭ 90 جىلدىعىنا ارنالعان «ايتماتوۆ تاعىلىمى» اتتى حالىقارالىق فورۋم ءوتىپ جاتىر. وعان قىرعىزستاننىڭ بەدەلدى عالىمدارى، كورنەكتى مەملەكەت قايراتكەلەرى جانە قازاقستاننىڭ قوعام قايراتكەرلەرى قاتىسۋدا.