ا ق ش پەن قازاقستان اراسىنداعى ساۋدا-ساتتىق كولەمى ارتاتىندىعىنا سەنەمىن - دجورد كرول
«ۆاشينگتوندا امەريكالىق جانە قازاقستاندىق ساراپشىلار اراسىندا تۇراقتى كونسۋلتاتسيالار، بايلانىستار بار. بۇل رەتتە اتالعان سانكسيالاردىڭ قالاي جۇمىس ىستەيتىندىگىن تۇسىنگەن ماڭىزدى. سانكسيالار قازاقستانعا نەمەسە قازاقستاندىق تۇلعالارعا قارسى باعىتتالماعان. بۇل اتالعان سانكسيانىڭ ماقساتى ەمەس. سانكسيا رەسەيگە، تەك رەسەيگە عانا قاتىستى»، - دەپ باسا ايتتى ول.
وسى رەتتە ەلشى بۇل سانكسيالاردىڭ الىنىپ، ا ق ش پەن رەسەي جانە وزگە ەلدەر اراسىنداعى ساۋدا-ساتتىق بايلانىستارى دۇرىس جولعا تۇسەتىندىگىنە سەنىم ارتاتىندىعىن باسا ايتتى.
«قازىرگى ۋاقىتتا قازاقستاندا ەشقانداي پروبلەما كورىپ وتىرعانىم جوق. ءبىز سەرىكتەسپىز، ەكونوميكالىق سەرىكتەسپىز. بۇل اسىرەسە پرەزيدەنت نۇرسۇلتان نازاربايەۆتىڭ (ا ق ش- قا) ساپارى بارىسىندا انىق بايقالدى. وزدەرىڭىزدە بىلەسىزدەر، ءبىزدىڭ ەلدىڭ پرەزيدەنتى دە بيزنەسمەن. بىزدە وتە تىعىز كونسۋلتاتسيالار بار. ا ق ش ەلشىسى رەتىندە بۇل جەردەگى جۇمىسىمنىڭ كەستەسى ءار ۋاقىتتا تىعىز. اسىرەسە، جوعارىدا ايتقان ساپاردان كەيىن جۇمىس ارتا ءتۇستى. بۇعان قۋانىشتىمىن»، - دەدى دجوردج كرول.
سونىمەن قاتار، ول قازاقستان مەن امەريكا اراسىندا تاۋار اينالىمىنىڭ ارتا تۇسەرىنە ءۇمىت ارتاتىندىعىن باسا ايتتى.
«تاياۋ ۋاقىتتا تاۋار اينالىمىنىڭ ارتاتىندىعىنا ءۇمىت ارتامىن. ءقازىر اقش ءۇشىن ەكسپورتتاعى ەڭ ماڭىزدى باعىت ەت بولىپ وتىر. رەفورمالار جۇرگىزىلگەننەن كەيىن قازاقستانعا ينۆەستيتسيا كولەمى ارتىپ، ەلدەرىمىز اراسىندا ساۋدا-ساتتىق جاندانادى دەپ ويلايمىن»، - دەدى ا ق ش ەلشىسى.