وسكەمەندە ەلەكتر قۋاتىمەن جۇرەتىن اۆتوبۋستار قاتىناۋى مۇمكىن

None
None
وسكەمەن. قازاقپارات - وسكەمەنگە ەلەكتر قۋاتىمەن جۇرەتىن اۆتوبۋستار اكەلىندى. 30 كۇندىك سىناقتان سۇرىنبەي وتسە، بۇل اۆتوبۋستار قوعامدىق كولىك رەتىندە ديزەلمەن جۇرەتىن اۆتوبۋستاردىڭ ورنىن اۋىستىرۋى مۇمكىن، دەپ حابارلايدى قازاقپارات ءتىلشىسى.

قالا اكىمىنىڭ باسپا ءسوز قىزمەتىنىڭ حابارلاۋىنشا، سىناقتان ءوتىپ جاتقان كولىك ءالى ساتىپ الىنباعان. ونىڭ تاعدىرى 30 كۇننەن كەيىن بەلگىلى بولماق.

«ەلەكتروبۋستار ديزەلدى اۆتوبۋستاردان الدەقايدا ۇنەمدى. ولار ءبىر كۇندە قالا ىشىندە 250 شاقىرىم جول باسىپ وتەدى. ديزەلدى اۆتوبۋستار بۇل ۋاقىتتىڭ ىشىندە 125 ليتر وتىن جاعادى. ال ەلەكتروبۋستار 189 ك ۆ ت قۋات جۇمسايدى. اقشاعا شاققاندا، بۇل 2,5 مىڭ تەڭگە» - دەيدى اتالمىش كومپانيانىڭ وكىلى رومان ميرازيموۆ. ونىڭ ايتۋىنشا اتالمىش كولىكتى قۋاتتاۋ ءۇشىن 10 مينۋت جەتىپ جاتىر. وسى ۋاقىت ىشىندە جيناعان قۋاتپەن ول 70-100 شاقىرىم جول جۇرەتىن كورىنەدى.

«بۇل كولىك قولدانىستاعى اۆتوبۋستاردان 6-8 ەسەگە ءتيىمدى. ازىرگە ونى ساتىپ العان جوقپىز. 30 كۇننىڭ ىشىندە ءوزىن قاي قىرىنان كورسەتەدى، سوعان بايلانىستى. ەگەر سىناق ءساتتى وتسە، ءبىز ەلەكتروبۋستاردى قوعامدىق كولىك قوزعالىسىنا تارتقان ءتورتىنشى قالا اتانامىز» - دەيدى قالا اكىمى قۋات تۇمابايەۆ.

باسپا ءسوز قىزمەتىنىڭ حابارلاۋىنشا، اۆتوبۋستى ۇسىنىپ وتىرعان كومپانيا قۋاتتاۋ قۇرالدارىن دا ورناتىپ بەرۋگە مىندەت الىپ وتىر. ازىرگە ەلەكتروبۋستىڭ قاي باعىتقا شىعارىلاتىنى بەلگىسىز.

فوتو bkm.by

سوڭعى جاڭالىقتار