تالدىقورعاندا جاس ادەبيەتشىلەردىڭ العاشقى فورۋمى ءوتتى
اقىندار مەن جازۋشىلار جەتىسۋ ءوڭىرىنىڭ تاريحي جانە مادەني ورىندارىندا بولىپ، شابىتىنا شابىت قوستى. پوەزيا كەشتەرىندە شىعارمالارىن وقىپ، ارنايى سەمينارلارعا قاتىستى. فورۋم بارىسىندا رەسپۋبليكالىق «رۋح» ادەبي بايقاۋىنىڭ قورىتىندىسى بويىنشا جارىققا شىققان كىتاپتاردىڭ تۇساۋى كەسىلىپ، ءبىر توپ جاس قالامگەر قازاقستان جازۋشىلار وداعىنا مۇشەلىككە قابىلداندى. «ماڭگىلىك ەلدىڭ مۇراتى» اتتى جابىق ادەبي بايقاۋدىڭ ناتيجەسىندە ۇزدىك دەپ تانىلعان ەكى ادەبيەتشى الماتى وبلىسى اكىمىنىڭ «اق قاۋىرسىن» ادەبي جۇلدەسىنىڭ يەگەرى اتانادى. پروزا جانرى بويىنشا قانات ءابىلقايىر ال، پوەزيا بويىنشا ساعىنىش نامازشاموۆا توپ جاردى.
«جاس قالامگەردىڭ كوڭىلىنە، جۇرەگىنە ءبىر رۋحاني ءدان سەبىلدى دەپ ايتۋعا بولادى. بۇل شىعارماشىلىقتىڭ ءدانى. بۇل كەلەشەكتە كادىمگىدەي تامىرلانىپ، ءوزىنىڭ جەمىسىن بەرەتىنىنە سەنىمىم زور»، دەدى ق ر جازۋشىلار وداعىنىڭ ءتوراعاسى ۇلىقبەك ەسداۋلەت.