شي جينپيڭ ش ى ۇ س ءى م باسشىلارىمەن كەزدەستى

None
None
بەيجىڭ. قازاقپارات - دۇيسەنبىدە ق ح ر ءتوراعاسى شي جينپيڭ بەيجىڭگە كەلگەن شاڭحاي ىنتىماقتاستىق ۇيىمىنا (ش ى ۇ) مۇشە مەملەكەتتەردىڭ سىرتقى ىستەر مينيسترلەرى كەڭەسىنە (س ى م ك) قاتىسۋعا كەلگەن شەتەلدىك دەلەگاتسيا باسشىلارىمەن كەزدەستى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

كەزدەسۋگە قازاقستاننىڭ سىرتقى ىستەر ءمينيسترى قايرات ءابدىراحمانوۆ، ءبىرقاتار ەلدىڭ سىرتقى ساياسات ۆەدومستۆوسىنىڭ باسشىلارى: قىرعىزستاننان ەرلان ابدىلدايەۆ، وزبەكستاننان ابدۋلازيز كاميلوۆ، تاجىكستاننان سيرودجيدين اسلوۆ، رەسەيدەن سەرگەي لاۆروۆ، ءۇندىستاننان سۋشما سۆارادج، پاكىستاننان حاۆادج مۋحامماد اسيف، شىۇ باس حاتشىسى راشيد اليموۆ جانە ش ى ۇ وڭىرلىك تەررورعا قارسى قۇرىلىمى (و ت ق ق) ديرەكتورى ەۆگەني سىسويەۆ قاتىستى.

باس قوسۋدا شي جينپيڭ شاڭحاي ىنتىماقتاستىق ۇيىمىنىڭ 17 جىل ىشىندە دامۋدىڭ ەرەكشە جولىنان ءوتىپ، ىقپالدى كەشەندى ۇيىمعا اينالعانىن اتاپ ءوتتى. قازىرگى ۋاقىتتا ش ى ۇ اياسىندا ساياسي، ەكونوميكالىق جانە گۋمانيتارلىق، سونداي-اق قاۋىپسىزدىك، سىرتقى بايلانىستىر جانە ينستيتۋتتى قۇرۋ سالالاردا ىنتىماقتاستىق تۇراقتى جۇرگىزىلىپ كەلەدى.

ول قىتاي تاراپى ش ى ۇ- نى دامىتۋدى ەلدىڭ سىرتقى ساياساتىنىڭ باسىم بولىگى رەتىندە قارايتىنىنا ءمان بەردى.

قىتاي تاراپى ۇيىمعا مۇشە ەلدەردىڭ بارلىعىمەن ساياسي سالادا ءوزارا قولداۋ كورسەتۋگە، وڭىردە قاۋىپسىزدىك پەن تۇراقتىلىقتى قامتاماسىز ەتۋگە، ۇيلەستىرۋ دەڭگەيىن كوتەرۋگە، «ءبىر بەلدەۋ، ءبىر جول» اياسىندا ىنتىماقتاستىقتى تەرەڭدەتۋگە، وڭىرلىك ەكونوميكالىق ىنتىماقتاستىق تەتىگىن قۇرۋعا جانە گۋمانيتارلىق الماسۋدى كەڭەيتۋگە ءازىر.

ەسكە سالا كەتسەك، سىرتقى ىستەر ءمينيسترى قايرات ءابدىراحمانوۆ بەيجىڭگە رەسمي ساپارمەن كەلدى، سونداي-اق ول ش ى ۇ س ى م ك- گە قاتىسادى. بۇگىن مينيستر بەيجىڭنىڭ «چاويان» ورتالىق ساياباعىندا ورنالاسقان اباي ەسكەرتكىشىنە گۇل شوقتارىن قويدى جانە «بالدىرعان» بالالارعا ارنالعان دامۋ ورتالىعىنىڭ سالتاناتتى اشىلۋىنا قاتىستى.

سوڭعى جاڭالىقتار