جىل سايىن 60 مىڭ توننا ەت ەكسپورتتاۋ باعدارلاماسى نەگە ورىندالمادى

قازىرگى ۋاقىتتا ەت ەكسپورتىن ارتتىرۋعا مۇمكىندىك بار - ۇكىمەت باسشىسى اۋىل شارۋاشىلىعى مينيسترلىگى ەت ەكسپورتىن ارتتىرۋدىڭ جاڭا جوسپارىن تانىستىردى.

«بىرىنشىدەن، بۇعان دەيىنگى ستاتيستيكالار دۇرىس ەمەس، قوسىپ جازىلعان بولىپ شىقتى. 1 ميلليون باس مال جوق ەكەن. بۇل تازا ماتەماتيكا. بۇكىل باعدارلاما ماتەماتيكامەن تۇزىلگەن. ماسەلەن، فەرمادا 50 باس سيىر بولسا، ەكى بۇقا ساتىپ الامىز. كەلەسى جىلى ونىڭ 80 پايىزى بۇزاۋلايدى. 20 بۇقاشىق بىردەن بورداقىلاۋ الاڭىنا، 5 ەۋى جوندەۋ جۇمىستارىنا (ساتىپ، اقشاسىن پايدالانۋ - اۆت) ، 15 سيىر باسىن كوبەيتۋگە كەتەدى. ال ەگەر بازادا ميلليون باس بولماسا، سولاي بولىپ شىقتى دا، بارلىق ەسەپتەۋلەر كۇيرەيدى» ، - دەدى ول بۇگىن امەريكا ساۋدا پالاتاسى ۇيىمداستىرعان فورۋم اياسىندا باق وكىلدەرىنە بەرگەن سۇحباتىندا.

ەكىنشىدەن، ونىڭ اتاپ وتۋىنشە، باعدارلاما نەگىزىنەن رەسەيلىك نارىققا باعىتتالعان.

«رەسەيدە ءبىرقاتار وقيعالار، ديەۆالۆاتسيا بولدى، ۆاليۋتا قۇلدىرادى جانە ول جاققا ەكسپورتتاۋ بىزگە ءتيىمسىز ەدى. مۇنان بولەك تە ۇساق- تۇيەك جايتتار بار. قالاي دەسەك تە يمپورتتى تومەندەتتىك. سول ۋاقىتتاردا ەلگە كەلەتىن يمپورت كولەمى 50 مىڭ توننا بولسا، قازىر 15 مىڭ توننانى قۇرايدى. ياعني، ەت كوبەيدى، ەشقايدا جوعالمادى. تەك ىشكى تۇتىنۋ كولەمى ارتتى. قازىر ءبىز تەك ەكسپورت جايىندا ايتىپ وتىرعانىمىز جوق. مۇمكىندىگىنشە ىشكى تۇتىنۋ كولەمىن بىرتىندەپ جابامىز. ءقازىر ەلدە وندىرىلەتىن ەتتىڭ 97 پايىزىن تۇتىنامىز» ، - دەدى مينيستر.

دەگەنمەن، ءومىرزاق شوكەيەۆ سيىر ەتىن قىتايعا، قوي ەتىن اراب ەلدەرى مەن يرانعا شىعارۋ كوزدەلىپ وتىرعاندىعىن دا ايتتى. سونداي- اق ول ەلىمىزدە جەكە قوسالقى شارۋاشىلىقتاردى دامىتۋ دا نازاردان تىس قالمايتىندىعىن اتاپ ءوتتى.

«جەكە قوسالقى شارۋاشىلىقتاردى قاتار دامىتا بەرەتىن بولامىز. زاكىرلىك كووپەراتسيالار مەن جەكە قوسالقى شارۋاشىلىق كووپەراتسيالارى ءبىر- بىرىنە بوگەت جاسامايدى. قايسىسى تىرشىلىككە قابىلەتتى بولسا، سول داميدى. ءقازىر بىزدە مال باسىنىڭ 57 پايىزى جەكە قوسالقى شارۋاشىلىقتاردىڭ قولىندا. ارينە، بارلىعىنىڭ كۇدىگى بار، مەندە كۇدىكتەنەمىن. ءبىراق بۇل جەكە قوسالقى شارۋاشىلىق سەكتورىن تولىقتاي مويىندامايمىز دەگەندى بىلدىرمەيدى» ، - دەدى ءومىرزاق شوكەيەۆ.