باتىس قازاقستاندا 111 مايدانگەر قالدى

None
None
ورال. قازاقپارات - باتىس قازاقستان وبلىسىندا جەڭىس كۇنىنە وراي ەكىنشى دۇنيەجۇزىلىك سوعىسقا قاتىسۋشىلار مەن مۇگەدەكتەرگە 150 مىڭ تەڭگەدەن بەرىلمەك، دەپ حابارلايدى قازاقپارات ءتىلشىسى.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنان تۇسكەن مالىمەتكە قاراعاندا، لەنينگراد قۇرساۋىنىڭ تۇرعىندارى، فاشيستىك كونتسلاگەر مەن گەتتونىڭ كامەلەتكە تولماعان تۇتقىندارى، جالدامالى قۇرامدا بولعاندار 60 مىڭ تەڭگەدەن ءبىرجولعى جاردەماقى الادى.

سول سەكىلدى سوعىستا قازا تاپقان جاۋىنگەرلەردىڭ قايتا نەكەگە تۇرماعان جەسىرلەرىنە 20 مىڭ تەڭگەدەن بەرىلەدى. قازا بولعان مايدانگەرلەردىڭ ايەلدەرىنە 15 مىڭ تەڭگەدەن تيمەك. تىلدا ەڭبەك ەتكەندەر 10 مىڭنان، ال ماراپاتتالعاندارى 15 مىڭ تەڭگەدەن الادى.

ۇ و س قاتىسۋشىلارى مەن ولارعا تەڭەستىرىلگەن تۇلعالاردى كوممۋنالدىق تولەمنەن بوساتۋ ءۇشىن اي سايىن 5 ا ە ك كولەمىندە الەۋمەتتىك كومەك كورسەتىلەدى.

ايتا كەتەيىك، 20- ساۋىردەگى مالىمەت بويىنشا وبلىستا 111 مايدانگەر تۇرسا، سونىڭ 36 سى - مۇگەدەك. سونداي-اق لەنينگراد قۇرساۋىنىڭ 4 تۇرعىنى، بۇرىنعى كونسلاگەرلەردىڭ 17 تۇتقىنى، قايتىس بولعان مايدانگەرلەردىڭ 585 ايەلى، سوعىس كەزىندە قازا تاپقانداردىڭ 25 جەسىرى، 8479 تىل ەڭبەككەرى، جالدامالى قۇرامدا بولعان 7 جانە سوعىسقا قاتىسۋشىلار مەن مۇگەدەكتەرىنە تەڭەستىرىلگەن 113 ادام بار.

وسىلايشا جەڭىستىڭ 73 جىلدىعىنا وراي بارلىعى 9341 ادامعا جەرگىلىكتى بيۋدجەتتەن 102,3 ميلليون تەڭگە تولەنبەكشى. 2016-جىلى 10544 ادامعا 141 ميلليون تەڭگە، 2017-جىلى 9295 كومەك الۋشىعا 118,6 ميلليون تەڭگە بەرىلگەن بولاتىن.

سوڭعى جاڭالىقتار