ەلىمىزدەگى مەكتەپتەردە 1-4 - سىنىپتاردىڭ باعدارلاماسىنا فۋتبول ءپانى ەنگىزىلەدى

سونىمەن قاتار ايماقتاردا «جاس قىران» ليگاسى قۇرىلىپ، جاسوسپىرىمدەر اراسىنداعى تۇراقتى بىرىنشىلىككە اينالادى. بۇل تۋرالى قازاقستان فۋتبول فەدەراتسياسىنىڭ 17-كونفەرەنسياسىندا قاۋىمداستىقتىڭ باس حاتشىسى ازامات ايتقوجين ءمالىم ەتتى.

 قازىر ەلىمىزدەگى فۋتبول ورتالىقتارىندا 6175 بالا جاتتىعادى. جالپى 200 مىڭ جەتكىنشەك اياق دوپپەن اينالىسادى. الايدا دوپ تەبەتىن الاڭدار جەتىسپەيدى. وسى ماسەلەلەردى شەشۋ ءۇشىن «العا، قازاقستان» اتتى فۋتبولدى دامىتۋ باعدارلاماسى قابىلداندى. ەندى كاسىبي كوماندالاردىڭ جەكە اكادەمياسى بولۋى كەرەك. سونىمەن قاتار فەدەراتسيا جانىنداعى تەحنيكالىق ورتالىقتىڭ دا جۇمىسى سىنعا الىندى. سەبەبى جاتتىقتىرۋشىلار دايىنداۋى ءتيىس ورتالىقتا بىلىكتىلىگى تومەن ماماندار جۇمىس ىستەيدى. بۇل ولقىلىقتى جويۋعا ۋەفا- دان ارنايى فۋتبول ماماندارى شاقىرىلدى.

جيىندا جاسوسپىرىمدەر كوماندالارى قۇرىلاتىنى دا ءسوز بولدى.

 قانات مۇساتايەۆ، «تاراز» فۋتبول كلۋبىنىڭ ديرەكتورى:

 - قۇراما كوماندا مۇندا تەك قانا رەسمي 17 جاسقا دەيىن ەۋروپانىڭ تۋرنيرى بولاتىن ەدى. ەندى 14 جاستان باستاپ جاتىرمىز. 14-15 جاسار بالالاردان قۇرالادى. بىزدە تاجىريبە جوق بالالاردا. ەرتە باستاساق سوسىن ولار 17 جاسىندا باسقاشا وينايدى.

www.24.kz